O‘zbekiston prezidentining tashqi siyosat masalalari bo‘yicha maxsus vakili Abdulaziz Komilov 19-iyun kuni Afg‘oniston poytaxti Kobul shahriga borgani to‘g‘risida xabar berilgandi.
Ma’lum qilinishicha, Abdulaziz Komilov boshchiligidagi delegatsiya tashrif doirasida Afg‘oniston bosh vaziri o‘rinbosarlari — Mulla Abdul G‘ani Barodar va Abdusalom Hanafiy bilan alohida muzokaralar o‘tkazgan.
Tomonlar savdo-iqtisodiy sohadagi hamkorlikni yanada rivojlantirish va mustahkamlash istiqbollarini, shuningdek, Afg‘oniston hududida energetika va transport-kommunikatsiya sohalarida O‘zbekiston tashabbusi bilan amalga oshirilayotgan turli infratuzilma loyihalarini muhokama qilgan.
“Afg‘oniston tomoni O‘zbekiston rahbariyatiga mamlakatga ko‘rsatilayotgan insonparvarlik yordami, shuningdek, milliy iqtisodiyotni tiklash borasidagi sa’y-harakatlari uchun minnatdorlik bildirdi”, — deyiladi xabarda.
Eslatib o‘tamiz, iyul oyi oxirida Toshkent shahrida Afg‘oniston bo‘yicha oliy darajadagi xalqaro konferensiya bo‘lib o‘tadi. Tashqi ishlar vaziri vazifasini bajaruvchi Vladimir Norov bu haqda ma’lumot berib, hududdagi og‘ir iqtisodiy inqiroz va qiyin gumanitar vaziyat keskinligicha qolayotganini aytgan.
Mavzuga doir:
- Abdulaziz Komilovga yana bir vazifa yuklandi
- O‘zbekistonning aprel oxirida Afg‘onistonga yuborgan insonparvarlik yordamini hududlarga taqsimlash boshlandi
- Ismatulla Irgashov Afg‘onistonning yangi hokimiyati bilan konstruktiv muloqot o‘rnatish zarurligini ta’kidladi
- Vladimir Norov AQSHning Afg‘oniston bo‘yicha maxsus vakili bilan uchrashdi
Izoh (0)