Бугун,

  • USD 11095.31
  • RUB 173.84
  • EUR 10772.44

Қашқадарё вилоятининг Чироқчи туманидаги «Лангар» қишлоғида яшовчи 8-синф ўқувчиси Озодбек Йўлдошев 25 метр чуқурликка тушиб кетган 6 ёшли болани қутқариш ишида қатнашиб, жасорат кўрсатгани учун вазир эътирофига сазовор бўлди. Бу ҳақда «Дарё»га вилоят Фавқулодда вазиятлар бошқармаси ахборот хизмати раҳбари Соҳиб Ваитов хабар берди.

Фото: Соҳиб Ваитов

Фото: Соҳиб Ваитов

«Ушбу ишда жасорат кўрсатган Озодбек Йўлдошевга Ўзбекистон Республикаси Фавқулодда вазиятлар вазири генерал майор Абдулла Қўлдошев номидан Қашқадарё вилояти Фавқулодда вазиятлар бошқармаси бошлиғи полковник Фарҳод Мирзаев компьютер жамланмасини топширди. Шунингдек, қудуқ қаридан соғ-саломат олиб чиқилган Дониёр Турдиевга эса вилоят Фавқулодда вазиятлар бошқармаси бошлиғи полковник Фарҳод Мирзаевнинг махсус совғаси — велосипед топширилди», — дейди Соҳиб Ваитов.

Фото: Соҳиб Ваитов

Фото: Соҳиб Ваитов

Эслатиб ўтамиз, 2022 йилнинг 12 июнь куни Лангар қишлоғида 6 ёшли бола фуқаро дала майдонида қазилган, 200 диаметрли сувсиз артизан қудуққа тушиб кетганди. Воқеа жойига зудлик билан вилоят ФВБ қутқарувчилари ва тегишли хизматлар куч-воситалари етиб борган. Қутқариш ишларига ФВБ махсус техникалари, яъни экскаватор ва грейдер жалб этилган. Олиб борилган махсус қутқариш операцияси натижасида бола 13 июнь куни соат 10:25 да қутқариб олинган.

Фото: Соҳиб Ваитов

Фото: Соҳиб Ваитов

Махсус қутқарув операциясида «Қалқама» маҳалласида яшовчи 109-сонли мактабнинг 8-синф ўқувчиси Озодбек Йўлдошев ҳам қатнашганди. Кичик қаҳрамон қутқарувчилар ва махсус асбоб-анжомлар ёрдамида қудуқнинг тор туйнугидан ўтиб, болакайни олиб чиққан.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
Марказий банк раисининг крипто-активлар бўйича маълумоти рад этилди