«Ўзагроэкспортбанк»ни Россия Совкомбанкига сотиш бўйича битим бекор қилинмоқда. Бу ҳақда Совкомбанк бошқаруви раисининг биринчи ўринбосари Сергей Хотимский маълум қилди.
Афсуски санкциялар жорий қилингани сабабли, лойиҳани амалга ошириш имконсиз бўлиб қолди, бу ҳақда Ўзбекистон ҳукумати хабардор қилинди. Бизнинг ҳар қандай шўъба банкимиз автоматик тарзда санкциялар остида қолиши Ўзбекистон учун муаммо бўларди», — деди у.
Унинг сўзларига кўра, бу битим мамлакатга технология ва молия олиб келиш ўрнига, бир қатор муаммоларга сабаб бўларди.
Биз вазият ўзгаришига умид қилишда давом этамиз, санкциялар билан боғлиқ вазият бартараф этилгач, биз Ўзбекистон бозорига фаол кредитор сифатида катта мамнуният билан қайтамиз. Афсуски ҳозир кредит лойиҳаларимизнинг аксарият қисмини қисқартиришга мажбурмиз, - дейди Хотимский.
Ўзбекистон яқин орада банкни барибир хусусийлаштиришни режалаштирмоқда, лекин Совкомбанк бу жараёнда иштирок эта олмайди.
Ҳозир томонларнинг ўзаро қарорига кўра битим бекор бўлиш босқичида.
«Ўзагроэкспортбанк»ни Россия Совкомбанкига сотиш бўйича битим 2022 йилнинг 23 февралда тузилган эди.
Унинг доирасида Совкомбанк «Ўзагроэкспортбанк»нинг 100 фоиз давлат улушини 4 миллион долларга сотиб олиши керак эди.
Бироқ бир кун ўтиб, Россия Украинада уруш бошлади, яна бир кундан кейин эса Совкомбанк санкцияга учради.
Изоҳ (0)