The New York Times нашри россиялик олигархларнинг парвозлари ҳақида маълумотларни тақдим қилди.
Украинадаги уруш ва халқаро санкциялар ўн минглаб одамларни мамлакатни тарк этишга мажбур қилди.
Журналистлар, фаоллар ва IT-мутахассислар Арманистон, Грузия ва Туркияга кетишди. Булар россияликларга визасиз киришига рухсат берувчи нисбатан арзон, яқин давлатлар ҳисобланади.
Аммо россияликларнинг яна бир гуруҳи, жумладан, олигархлар Дубайни асосий манзилига айлантирди.
Уруш бошланишидан аввалги олигархларнинг парвозлари:
Уруш бошланишидан кейинги олигархларнинг парвозлари:
Февралгача Россиядан учадиган шахсий рейсларнинг атиги 3 фоизи БААга учган бўлса, уруш бошланганидан кейинги бу рақам 6 фоизгача, май ойида эса 14 фоизгача ошган.
Ҳозир олигархлар томонидан энг кўп парвозлар Тель-Авив, Дубай, Боку, Истанбул ва Тошкентга бўлмоқда. Улар Париж, Лондон, Милан ва Женева ўрнини эгаллади.
Тошкентга парвозлар сони бироз камайди, бироқ россияликлар учун бошқа шаҳарлар ҳозир ёпилгани учун Ўзбекистон пойтахтининг улуши сезиларли даражада ошди.
Аввалроқ россиялик бадавлат инсонлар БААга кўчиб ўтаётгани ҳақида хабар берилган эди.
Изоҳ (0)