Япониялик муҳандис ўргимчак кўринишидаги тунги чироқни яратди. У ҳаракатланиш ва куннинг қоронғи вақтида уйда йўл кўрсатиш қобилиятига эга, деб хабар беради Hi-Tech.Mail.ru.
Кечаси ҳожатхона ёки музлаткич олдига бориш керак бўлса, бутун хонадаги чироқни ёқишга ёки бўлмаса, смартфон фонаридан фойдаланишга тўғри келади. Ихтирочи ушбу муаммога ечим топган ва шу каби тунги робот-йўлкўрсаткичдан фойдаланишни таклиф этган.
Робот ижтимоий тармоқ фойдаланувчиларини қўрқитиб юборди. Таъкидланишича, керакли жойга бундай «дўст» билан етиб олгандан кўра, қоронғида ҳаракатланган афзал. Шу билан бирга, муҳандис мазкур роботни болалар учун тайёрлаганини маълум қилган.
Айни вақтда ихтирочи роботни автономлаштириш мақсадида уни такомиллаштириш билан шуғулланмоқда. Дастлабки прототип Bluetooth-жойстик ёрдамида ишлайди.
Аввалроқ хитойликлар инсонга ўхшаш уй роботининг прототипини намойиш этгани, Австралияда эса олма теришга қодир робот яратилгани тўғрисида хабар берилганди.
Изоҳ (0)