Huawei компанияси Hi-Res Audio тизимига эга энг арзон наушникларни тақдим этди, деб хабар беради ITHome.
Симсиз наушниклар инсон қулоғига мослашувчи AEM технологияси ва 32 децибелгача шовқинни сўндириш имкониятига эга. Уларга 10 миллиметрли силжувчан «катушка»га эга динамик драйверлар ўрнатилган.
Ишлаб чиқарувчининг ваъда қилишича, наушник ва унинг ғилофи бир марта қувватланиш орқали 28 соатгача ишлай олади, шунингдек, тезкор қувватланиш функцияси мавжуд — 15 дақиқали қувватланиш 4 соат мусиқа тинглаш имконини беради.
Енгил корпус — битта гарнитура оғирлиги 4,6 граммни ташкил этади. Девайс IPX4 даражаси бўйича ҳимояланган ва Hi-Res Audio юқори сифатли аудио сертификатига эга. Huawei FreeBuds 5 ини шу каби опцияга эга бозордаги энг ҳамёнбоп наушник деб атаган.
Янги модель Хитойда 18 июндан сотувга чиқади.
Бундан олдин Poco компанияси ўзининг биринчи «ақлли» соати ва геймерлар учун Buds Pro наушникларини тақдим этгани, бошни қимирлатиш орқали қўнғироқларни қабул қилиш имконини берадиган наушниклар яратилгани тўғрисида хабар берилганди.
Изоҳ (0)