AnTuTu бенчмарки экспертлари май ойида глобал бозорда сотилган барча Android ва iOS қурилмаларининг рейтингини эълон қилди, деб хабар беради Hi-Tech.Mail.ru.
Таъкидлаш керакки, рейтинг рўйхатидаги рақамлар 2022 йилнинг 1 майидан 31 майига қадар бўлган маълумотларга таянган. Натижаларда энг юқори эмас, ўртача баллар ифодаланган.
Android қурилмалар орасида биринчи ўринни Ред Magic 7 эгаллаган — геймерлар учун мўлжалланган Snapdragon 8 Ген 1 биринчи смартфон, у йил бошида тақдим этилганди.
Иккинчи ва учинчи ўринларни мос равишда тасвирларни қайта ишлашга мўлжалланган ноёб В1+ чипига эга Vivo Х80 Про ҳамда геймерларнинг Poco Ф4 ГТ «махлуқи» эгаллаган. Эътиборли жиҳати, етакчи ўринларни банд этган барча смартфонлар Snapdragon 8 Ген 1 процессорида ишлайди.
iOS-қурилмалар рейтингида (нафақат смартфонлар, балки Apple’нинг бошқа маҳсулотлари ҳам қатнашган) ўзгариш у қадар катта эмас. Дастлабки икки ўринни М1 чиплари ўрнатилган iPad Про 5 планшетлари эгаллаган. Улар 2021 йилнинг апрелида тақдим этилганди.
Аввалроқ Apple М1 нинг янги авлоди — М2 ни тақдим этганди. Янги процессор WWDC 2022 конференциясида намойиш этилган. Мазкур процессорнинг қуввати 18 фоизга ошган, график жиҳатдан эса 35 фоизга яхшиланган. М2 процессорида ишлайдиган биринчи қурилма янги MacBook Air бўлади.