Apple компанияси дастурчилар учун мўлжалланган WWDC 2022 конференциясида iOS 16 ни тақдим этди. Янгиланган операцион тизимнинг ўзига хослиги — мослаштириш опциялари ёрдамида экранни янгича блоклаш имконияти, деб хабар беради Hi-Tech.Mail.ru.
Янги версияда «обой»лар галереяси пайдо бўлган бўлиб, унда об-ҳаво маълумоти, смайликлар тасвирланган. iOS 16 га, шунингдек, Ер ва Ой тасвирлари қўшилган, смартфон блокдан чиқарилса, улар катталашади.
Бу каби «заставка»лар ижтимоий тармоқларда кенг муҳокамаларга сабаб бўлди, чунки фойдаланувчилар Apple ушбу янгиликни Xiaomi’дан ўғирлаган деб ҳисоблаяпти. MIUI операцион тизимида «суперобойлар» 2020 йилда пайдо бўлган.
Шу билан бирга, фойдаланувчиларнинг маълум қилишича, Xiaomi аппаратларидаги «суперобойлар» анча яхши ишланган. Бу ҳам анимациянинг ўзига, ҳам контент сифатига тааллуқли. MIUI 12 дан бошлаб блокдан чиқарилса, сайёра шу қадар яқинлашадики, ундаги тоғлар ва бошқа пейзажларни кўриш мумкин.
Apple бундан олдин ҳам Xiaomi’нинг ечимларидан фойдаланган. Жумладан, Apple’нинг 2021 йилги конференцияга таклифнома-постери 2017 йилда тақдим этилган Xiaomi Mi Мих 2с смартфони постерига жуда ўхшаб кетганди.
Изоҳ (0)