Франциянинг Шатору шаҳрида пара ўқ отиш бўйича ўтказилган Жаҳон кубогида Ўзбекистон шарафини ҳимоя қилган Сервер Ибрагимов Париж—2024 га йўлланма олди.
2022 йилнинг 4—12 июнь кунлари ўтказилган мусобақада Ибрагимов эркаклар ўртасида 50 метрга тўппончадан отиш бўйича баҳсларда 200,7 очко жамғарган ҳолда бронза медалига, 10 метрга пневматик тўппончадан отиш бўйича баҳсларда эса 217,1 очко жамғариб кумуш медалга сазовор бўлди.
Сервер Ибрагимов ушбу натижаси билан Ўзбекистон делегацияси ҳисобига 2 та медални ёздириб қўйиш билан бир қаторда, 2024 йил Парижда бўладиган XVII ёзги Паралимпия ўйинларига тўғридан-тўғри лицензияни ҳам қўлга киритди.
Қайд этиш керак, Сервер Париж—2024 га лицензия қўлга киритган илк ўзбекистонлик спортчига айланди.
Сервер Ибрагимов пара ўқ отиш бўйича бир неча бор Жаҳон ва Осиё чемпионатлари совриндори, шунингдек Рио—2016 ёзги Паралимпия ўйинлари бронза медали соҳиби ҳисобланади.
Изоҳ (0)