Самарқанд вилоятининг Ургут туманида ўғил ўз отаси ва акасини болта билан чопиб ташлаб, уларни ўлдирди, деб хабар беради вилояти прокуратураси матбуот хизмати.
Маълум қилинишича, 7 июнь куни соат 19:30 ларда Ургут тумани «Навбоғ» кўчасида яшовчи фуқаро туман ИИБга отаси Б.М. ва укаси Ш.М. уйида йўқлиги, қўл телефон рақамлари ишламаётгани, уларни топишда амалий ёрдам беришни сўраб, мурожаат қилган.
Олиб борилган терговга қадар текширув жараёнида Ш.М. туман ИИБга айбини бўйнига олиш тўғрисида ариза билан мурожаат қилиб, унда 2022 йил 15 май куни соат тахминан 07:00 да отаси Б.М. ва акаси Ш.М. билан жанжаллашиб қолиб, уй-хўжалигида фойдаланган болта ва ошхона пичоғи билан дастлаб акасини, сўнгра отасини танасининг турли соҳаларига бир неча маротаба уриб, уларни қасддан ўлдирган ва яшаш уйининг томорқасига кўмганини маълум қилган.
Ш.М.нинг тушунтиришига асосан уйнинг томорқа қисми кўздан кечирилганда, ота-боланинг жасади қотиллик аломатлари билан топилган.
Ҳолат юзасидан суд тиббий экспертизаси тайинланган. Мазкур ҳолат юзасидан Ургут туман прокуратураси томонидан Ш.М.га нисбатан Жиноят кодексининг 97-моддаси (қасддан одам ўлдириш) 2-қисми «а» банди билан жиноят иши қўзғатилиб, Жиноят-процессуал кодексининг 221-моддаси тартибида ушланиб, гумонланувчи сифатида жалб қилинган.
Жиноят иши бўйича вилоят прокуратураси томонидан дастлабки тергов ҳаракатлари ўтказилмоқда.
Аввалроқ Сирдарёда хотинини фарзандининг олдида 14 марта пичоқлаб ўлдирган эркак 17 йилга қамалгани, Фарғонада 45 ёшли эркак хотинини болта билан чопиб ташлагани тўғрисида хабар берилганди.
Мавзуга доир:
Изоҳ (0)