Samarqand viloyatining Urgut tumanida o‘g‘il o‘z otasi va akasini bolta bilan chopib tashlab, ularni o‘ldirdi, deb xabar beradi viloyati prokuraturasi matbuot xizmati.
Ma’lum qilinishicha, 7-iyun kuni soat 19:30 larda Urgut tumani “Navbog‘” ko‘chasida yashovchi fuqaro tuman IIBga otasi B.M. va ukasi Sh.M. uyida yo‘qligi, qo‘l telefon raqamlari ishlamayotgani, ularni topishda amaliy yordam berishni so‘rab, murojaat qilgan.
Olib borilgan tergovga qadar tekshiruv jarayonida Sh.M. tuman IIBga aybini bo‘yniga olish to‘g‘risida ariza bilan murojaat qilib, unda 2022-yil 15-may kuni soat taxminan 07:00 da otasi B.M. va akasi Sh.M. bilan janjallashib qolib, uy-xo‘jaligida foydalangan bolta va oshxona pichog‘i bilan dastlab akasini, so‘ngra otasini tanasining turli sohalariga bir necha marotaba urib, ularni qasddan o‘ldirgan va yashash uyining tomorqasiga ko‘mganini ma’lum qilgan.
Sh.M.ning tushuntirishiga asosan uyning tomorqa qismi ko‘zdan kechirilganda, ota-bolaning jasadi qotillik alomatlari bilan topilgan.
Holat yuzasidan sud tibbiy ekspertizasi tayinlangan. Mazkur holat yuzasidan Urgut tuman prokuraturasi tomonidan Sh.M.ga nisbatan Jinoyat kodeksining 97-moddasi (qasddan odam o‘ldirish) 2-qismi “a” bandi bilan jinoyat ishi qo‘zg‘atilib, Jinoyat-protsessual kodeksining 221-moddasi tartibida ushlanib, gumonlanuvchi sifatida jalb qilingan.
Jinoyat ishi bo‘yicha viloyat prokuraturasi tomonidan dastlabki tergov harakatlari o‘tkazilmoqda.
Avvalroq Sirdaryoda xotinini farzandining oldida 14 marta pichoqlab o‘ldirgan erkak 17 yilga qamalgani, Farg‘onada 45 yoshli erkak xotinini bolta bilan chopib tashlagani to‘g‘risida xabar berilgandi.
Mavzuga doir:
- Surxondaryoda qaynona nabirasiga arzon oyoq kiyim olib bergan kelinini farzandlari oldida 32 marta pichoqlab o‘ldirdi
- Andijonda onasiga baqirgan ukasi bilan janjallashib, uning o‘limiga sababchi bo‘lgan aka 10 yilga qamaldi
- Farg‘onada xotini va 13 yoshli o‘g‘lini tayoq bilan urib o‘ldirgan erkak 22 yilga qamaldi
Izoh (0)