Ижтимоий тармоқларда Фарғона вилояти Қува туманида пора олган ЙПХ инспектори қочаётгани тасвирланган видео тарқалди. Вилоят ИИБнинг маълум қилишича, ҳолат юзасидан ўрганиш ишлари олиб борилган.
Маълум бўлишича, 11 июнь куни Қува туман ИИБга ЙПХ инспектори I.К.нинг хатти-ҳаракатлари юзасидан фуқаролар С.З. ва М.Ҳ. томонидан ариза келиб тушган. Мазкур мурожаатда келтирилган ҳолатларни ўрганиш жараёнида ЙПХ инспектори I.К. ўзини носамимий тутиб, кетиб қолган.
Ҳолат юзасидан тегишли тартибда ҳужжатлар расмийлаштирилиб, прокуратура органларига тақдим қилинган.
Ҳозирда теговга қадар текширув ҳаракатлари олиб борилмоқда.
Аввалроқ Навоийда ҳайдовчи ЙПХ ходимига пора тариқасида берган 100 доллар пулини ютиб юборганди.
Изоҳ (0)