Подполковник Ғайратжон Раҳматуллаев Наманган шаҳар Ички ишлар органлари фаолиятини мувофиқлаштириш бошқармаси бошлиғи этиб тайинланди. Бу ҳақда «Дарё» мухбири Азизбек Абдувалиев хабар бермоқда.
Наманган вилоят ИИБ бошлиғи Шавкат Раҳмонов томонидан Наманган шаҳридаги Ёшлар марказида ўтказилган йиғилишда ташкилий масала кўрилди. Йиғилишда ички ишлар вазирининг тегишли буйруғи билан Наманган шаҳар ИИО ФМБ бошлиғи лавозимига тайинланган подполковник Ғайратжон Раҳматуллаев шахсий таркибга таништирилди.
Раҳматуллаев энди шаҳардаги учинчи сектор раҳбарлигига ҳам масъул бўлади.
Ғайратжон Раҳматуллаев 1974 йилда Янгиқўрғон туманида туғилган. Маълумоти олий, Наманган саноат-технология институти ва Наманган давлат университетини тамомлаган. Мутахассислиги — ҳуқуқшунос.
Меҳнат фаолиятини 1998 йилда Наманган вилоят ИИБ ЖЦБда бошлаган.
Ғайратжон Раҳматуллаев мазкур тайинловга қадар, яъни 2020 йилдан бери Фарғона вилоят ИИБ бошлиғининг ўринбосари — Жамоат хавфсизлиги хизмати бошлиғи лавозимида фаолият юритиб келаётган эди.
Изоҳ (0)