Бухорода фуқарони ишга жойлаштириш эвазига пора олган вилоят кўп тармоқли тиббиёт маркази ҳамшираси қўлга олинди. Бу ҳақда «Дарё»га Миллий гвардиянинг вилоят бошқармаси ахборот хизмати раҳбари Муроджон Раҳматуллаев маълум қилди.
Таъкидланишича, фуқаро Миллий гвардиянинг вилоят бошқармасига ишга кириши эвазига ундан йирик миқдорда пора талаб қилинаётганини айтган. Ариза юзасидан Бош прокуратура ҳузуридаги департаментнинг вилоят бошқармаси Ромитан туман бўлими ҳамкорлигида тадбир ўтказилган.Вилоят кўп тармоқли тиббиёт маркази кичик тиббий ҳамшираси 41 ёшли Г.Ж. фуқаро Г.А.ни алдаб, Бухоро шаҳар тез тиббий ёрдам бўлимига ишга жойлаштириши эвазига ундан 1700 доллар талаб қилган. Г.А. бунча миқдорда пул беришга шароити етмаслигини тушунтиришига қарамай, ҳамшира талабини қўйишда давом этган. Ҳуқуқ-тартибот идоралари томонидан уюштирилган тадбирда ҳамшира автобекат олдида кимёвий ишлов берилган 1700 долларни олган вақтида ушланган.
Мазкур ҳолат юзасидан департаментнинг Ромитан туман бўлими томонидан Г.Ж.га нисбатан Жиноят кодексининг 168-моддаси (фирибгарлик) 1-қисми билан жиноят иши қўзғатилган.
Изоҳ (0)