Ijtimoiy tarmoqlarda Farg‘ona viloyati Quva tumanida pora olgan YPX inspektori qochayotgani tasvirlangan video tarqaldi. Viloyat IIBning ma’lum qilishicha, holat yuzasidan o‘rganish ishlari olib borilgan.
Ma’lum bo‘lishicha, 11-iyun kuni Quva tuman IIBga YPX inspektori I.K.ning xatti-harakatlari yuzasidan fuqarolar S.Z. va M.H. tomonidan ariza kelib tushgan. Mazkur murojaatda keltirilgan holatlarni o‘rganish jarayonida YPX inspektori I.K. o‘zini nosamimiy tutib, ketib qolgan.
Holat yuzasidan tegishli tartibda hujjatlar rasmiylashtirilib, prokuratura organlariga taqdim qilingan.
Hozirda tegovga qadar tekshiruv harakatlari olib borilmoqda.
Avvalroq Navoiyda haydovchi YPX xodimiga pora tariqasida bergan 100 dollar pulini yutib yuborgandi.
Izoh (0)