Самарқанд вилояти Ургут туманида жойлашган Омонқўтон ЙПХ масканида 2 июнь куни сохта ички ишлар ходими қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, ИИВ Шахсий таркиб бўйича Самарқанд вилояти бошқармаси ходимлари томонидан тезкор тадбир ўтказилган. Олинган маълумотга асосан Cobalt автомашинаси тўхтатилган. Машинадаги Қашқадарё вилояти Шаҳрисабз туманида яшовчи шахс (25 ёшли) Ички ишлар органи хизмат кийимида тушган фотосурати мавжуд бўлган сохта хизмат гувоҳномасини ЙПХ ходимларига тақдим этган пайтда ушланган. Гувоҳнома ашёвий далил тариқасида ҳужжатлаштириб олинган.
Ҳолат юзасидан терговга қадар текширув ҳаракатлари олиб борилмоқда.
Аввалроқ Андижонда фуқароларнинг телефони ва пулларини ўғирлаган сохта ИИБ ходими ушлангани, Самарқандда қизга яхши кўриниш учун ИИБ хизмат кийимини ноқонуний кийган йигит қўлга тушгани, Андижонда фуқаролардан паспорт ва никоҳ гувоҳномаси қилдириб бериш учун пул олган сохта ИИБ ходими фош бўлгани ҳақида хабар берилган.
Изоҳ (0)