Ўзбекистон Халқ таълими вазирлиги педагогларга мурожаат билан чиқиб, уларни турли журналларда мақола чоп этиш аттестациядан ўтишга ёрдам бериши ҳақидаги хабарларга ишонмасликка чақирди.
Билдиришича, сўнгги кунларда айрим Telegram каналлар, жумладан, «Маҳоратли педагог» канали ва журнали Халқ таълими вазирлиги билан ҳамкорликда фаолият юритиши борасида ҳақиқатга зид бўлган маълумотларни берган ҳолда, ўз журналида пулли асосда мақолалар чиқариш ҳамда пулли семинарларга қатнашиш хизматларини тарғиб қилмоқда.
Бунинг эвазига эса сертификат эгаларига навбатдаги аттестациядан ўтиш, тоифа ва устама олишда ёрдам бўлиши иддао қилинмоқда.
Шу муносабат билан ХТВ «Маҳоратли педагог» Telegram-канали ва журнали билан ҳеч қандай алоқаси йўқлигини, ушбу канал орқали бериладиган сертификат эса ҳеч қандай имтиёзларга эга эмаслигини ва вазирлик педагогларга бу каби пулли хизматлар кўрсатмаслигини маълум қилди.
«Вазирлик фаолиятига доир барча расмий маълумотлар фақат вазирликнинг расмий каналлари орқали бериб борилади. Огоҳ бўлинг, алданиб қолманг», — дейилади ХТВ мурожаатида.
Маълумот учун, «2022–2026 йилларда халқ таълимини ривожлантириш бўйича миллий дастурни тасдиқлаш тўғрисида«ги президент фармонига кўра, ДТМнинг миллий баҳолаш тизимида олинган сертификатга эга бўлган педагог кадрларга уларнинг тариф ставкасига нисбатан 20 фоиз миқдорида (чет тили бўйича сертификатлар бундан мустасно) ҳар ойлик устама тўланади. 2025 йил 1 январга қадар уларнинг тариф ставкасига нисбатан 50 фоиз миқдорида, 2025 йил 1 январдан бошлаб уларнинг тариф ставкасига нисбатан 20 фоиз миқдорида тўланади.
Мавзуга доир:
- «2022 йилдан ишга қабул қилинаётган чет тили ўқитувчиларидан миллий ва халқаро сертификатга эга бўлиш талаб қилинади» — Шавкат Мирзиёев
- Таълим инспекцияси малака тестида қатнашган рус тили ўқитувчилари эътирозига муносабат билдирди
- «Асоссиз тўланган 100 фоизлик устама бекор қилинган». Қашқадарё прокуратураси халқ таълими вазирига мурожаат йўллаган ўқитувчиларга жавоб берди
Изоҳ (0)