Ўзбекистон Олий Мажлиси Сенатининг йигирма еттинчи ялпи мажлисини 2022 йил 13 июнь куни чақириш тўғрисида Сенат кенгашининг қарори қабул қилинди.
Сенатнинг навбатдаги ялпи мажлисида бир қатор масалалар кўриб чиқилиши назарда тутилган.
Жумладан, ялпи мажлисда «Давлат мулкини бошқариш тўғрисида»ги, «Алкоголь ва тамаки маҳсулотларининг тарқатилишини ҳамда истеъмол қилинишини чеклаш тўғрисида»ги, «Инсон аъзолари ва тўқималарининг трансплантацияси тўғрисида»ги Ўзбекистон Республикаси Қонуни қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида»ги ҳамда «Ўзбекистон Республикасининг айрим қонун ҳужжатларига ўзгартиш ва қўшимчалар киритиш, шунингдек айрим қонун ҳужжатларини ўз кучини йўқотган деб топиш тўғрисида»ги Ўзбекистон Республикаси қонунлари кўриб чиқилади.
Шунингдек, сенаторлар томонидан Ўзбекистон Олий судининг раисини сайлаш тўғрисидаги масала ҳам кўриб чиқилади.
13 июнь куни соат 11:00 да ўз ишини бошлайдиган Сенатнинг навбатдаги ялпи мажлиси видеоконференцалоқа шаклида бўлиб ўтади.
Ялпи мажлис Сенатнинг YouTube тармоғидаги саҳифаси орқали тўғридан-тўғри ёритиб борилади.
Мавзуга доир:
- «Гумонланувчининг айби 48 соатда тасдиқланмаса, қўйиб юборилиши керак» — сенатор Конституцияга 4 та қўшимча киритиш таклифини берди
- «Энди ер текинга берилмайди». Адлия вазири ижтимоий ҳимояга муҳтож инсонлар аукционда ер сотиб олса, унинг харажатлари давлат томонидан қопланишини айтди
- «Таълим тизимимиз ҳалигача советча». Сенатор Ўзбекистон таълим тизимини танқид қилди
Изоҳ (0)