O‘zbekiston Oliy Majlisi Senatining yigirma yettinchi yalpi majlisini 2022-yil 13-iyun kuni chaqirish to‘g‘risida Senat kengashining qarori qabul qilindi.
Senatning navbatdagi yalpi majlisida bir qator masalalar ko‘rib chiqilishi nazarda tutilgan.
Jumladan, yalpi majlisda “Davlat mulkini boshqarish to‘g‘risida”gi, “Alkogol va tamaki mahsulotlarining tarqatilishini hamda iste’mol qilinishini cheklash to‘g‘risida”gi, “Inson a’zolari va to‘qimalarining transplantatsiyasi to‘g‘risida”gi O‘zbekiston Respublikasi Qonuni qabul qilinishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish haqida”gi hamda “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek ayrim qonun hujjatlarini o‘z kuchini yo‘qotgan deb topish to‘g‘risida”gi O‘zbekiston Respublikasi qonunlari ko‘rib chiqiladi.
Shuningdek, senatorlar tomonidan O‘zbekiston Oliy sudining raisini saylash to‘g‘risidagi masala ham ko‘rib chiqiladi.
13-iyun kuni soat 11:00 da o‘z ishini boshlaydigan Senatning navbatdagi yalpi majlisi videokonferensaloqa shaklida bo‘lib o‘tadi.
Yalpi majlis Senatning YouTube tarmog‘idagi sahifasi orqali to‘g‘ridan-to‘g‘ri yoritib boriladi.
Mavzuga doir:
- “Gumonlanuvchining aybi 48 soatda tasdiqlanmasa, qo‘yib yuborilishi kerak” — senator Konstitutsiyaga 4 ta qo‘shimcha kiritish taklifini berdi
- “Endi yer tekinga berilmaydi”. Adliya vaziri ijtimoiy himoyaga muhtoj insonlar auksionda yer sotib olsa, uning xarajatlari davlat tomonidan qoplanishini aytdi
- “Ta’lim tizimimiz haligacha sovetcha”. Senator O‘zbekiston ta’lim tizimini tanqid qildi
Izoh (0)