Тошкент шаҳрининг Чилонзор туманида иссиқ сувдан қарздорликни сўндириш эвазига пул сўраган масъул ходим қўлга олинди, деб хабар беради Бош прокуратура ҳузуридаги департамент.
Маълум қилинишича, департаментнинг Бектемир туман бўлими томонидан тезкор тадбир ўтказилган. Тадбир давомида «Тошиссиққуввати» ДУК Чилонзор тумани иссиқлик тарқатиш бўлими техник-нозири Д.Н. фуқаро М.нинг хонадонидаги иссиқ сув ва иссиқлик энергиясидан 3,4 миллион сўмлик қарздорлигини сўндириб беришни ваъда қилгани аниқланган. Шунингдек, у 2022 йилнинг декабрь ойига қадар қарздорлиги мавжуд эмаслиги ҳақида маълумотнома расмийлаштириб бермоқчи бўлган ва бунинг учун 270 доллар олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)