Футбол бўйича Осиё Кубоги—2023 саралаш босқичида Ўзбекистон терма жамоаси 11 июнь, шанба куни Мальдив ороллари билан баҳс юритди.
Учрашув Ўзбекистоннинг тезкор ҳужуми билан бошланди. 2-дақиқада Элдор Шомуродов тезкор гол уриб, ҳисобни очди. Биринчи бўлимнинг қолган дақиқаларида гол урилмади. Иккинчи бўлимда ҳам ўзбекистонликлар кетма-кет ҳужумлар уюштира бошлади. 51-дақиқада Жалолиддин Машариповнинг узатмасидан сўнг Элдор Шомуродов дубль қайд этди. 80-дақиқада Элдор рақиб ҳимоячиларининг хатосидан унумли фойдаланиб, учрашувдаги учинчи голини урди. Орадан 6 дақиқа ўтиб, Остон Ўрунов ҳам ўз ҳисобига гол ёздириб қўйди.
C гуруҳининг иккинчи ўйинида Таиланд Шри-Ланка устидан 2:0 ҳисобида ғалаба қозонди.
Ўзбекистон терма жамоаси 14 июнь куни 3-тур доирасида Таиланд билан баҳс олиб боради.
Осиё Кубоги—2023 саралаши
2-тур баҳслари
11 июнь, шанба
Мальдив ороллари – Ўзбекистон 0:4
Голлар: 0:1 — 2 Элдор Шомуродов, 0:2 — 51 Элдор Шомуродов, 0:3 — 80 Элдор Шомуродов, 0:4 — 86 Остон Ўрунов.Мальдив ороллари: 22. Муҳаммад Фаисал, 2. Самуҳ Али, 3. Аҳмад Нуман, 4. Ҳусайн Сифау Юсуф (20. Ҳассан Шифаз, 79), 7. Али Фасир (19. Наиз Ҳассан, 53), 8. Аисам Иброҳим, 10. Ҳамза Муҳаммад (9. Абдулла Ямин, 79), 13. Акрам Абдул Ғани, 14. Ҳаишам Ҳассан, 17. Иброҳим Маҳуди (16. Ҳассан Раиф Аҳмад, 79), 23. Ҳусайн Ниҳон (6. Муҳаммад Умаир, 56).
Ўзбекистон: 12. Ўткир Юсупов, 3. Ҳожиакбар Алижонов, 4. Фаррух Сайфиев, 5. Рустам Ашурматов, 18. Абдулла Абдуллаэв, 7. Отабек Шукуров, 9. Одил Ҳамробеков, 17. Достон Ҳамдамов (22.Ойбек Бозоров, 46), 20. Азизбек Амонов (19. Азизбек Турғунбоев, 46), 10. Жалолиддин Машарипов (15. Остон Ўрунов, 61), 14. Элдор Шомуродов (6. Сардор Собирхўжаев, 82).
Огоҳлантиришлар: Одил Ҳамробеков (30), Отабек Шукуров (48), Акрам Абдул Ғани (81).
Изоҳ (0)