Россия ва Ўзбекистон ўртасидаги йўловчи темир йўл ҳаракати 23 июндан бошлаб тикланади. Бу ҳақда «Россия темир йўллари» хабар берди.
Жумладан:
- 23 июндан Тошкент—Самара поезди (№5/6) ҳаракати тикланади. У ҳафтасига бир марта — пайшанба куни Тошкентдан, якшанба куни эса Самарадан йўлга чиқади;
- 25 июндан Тошкент—Волгоград поезди (№323/324) ҳаракати тикланади. У ҳафтасига бир марта — шанба куни Тошкентдан, сешанба куни эса Волгограддан йўлга чиқади.
«Эслатиб ўтамиз, Россия ва Ўзбекистон фуқаролари учун аввалроқ мамлакатда киришда жорий этилган барча санитария чекловлари олиб ташланган, ПЗР-тест талаб қилинмайди», — дейилади хабарда.
Эслатиб ўтамиз, Ўзбекистонда илк бор коронавирус аниқланган 2020 йил 16 мартдан бошлаб темир йўл транспорти қатновлари тўхтатилган эди. 2020 йилнинг 15 августидан маҳаллий авиа ва темир йўл қатновлари босқичма-босқич тикланган. 2020 йилнинг июнь бошларида 14 июндан бошлаб Тошкент—Самара ва Тошкент—Волгоград йўналишлари бўйича ҳафтасига бир марта темир йўл қатнови қайта тикланаётгани маълум бўлганди.
Изоҳ (0)