Ўзбекистонда беш ойда умумий қуввати 1 254 мегаватт бўлган 6 та янги электр станция ишга туширилди. Бу ҳақда Энергетика вазирлиги хабар қилди.
Қайд этилишича, жорий йилнинг ўтган беш ойи давомида умумий қуввати 1 154 мегаватт бўлган 5 та иссиқлик ва қуввати 100 мегаватт бўлган 1 та қуёш фотоэлектр станцияси фойдаланишга топширилган. Булар:
- Бухоро вилоятининг Бухоро туманида қуввати 270 мегаватт бўлган газ-поршенли иссиқлик электр станцияси;
- Тошкент вилоятининг Қибрай туманида қуввати 240 мегаватт бўлган буғ-газ қурилмаси;
- Хоразм вилоятининг Янгиариқ туманида қуввати 174 мегаватт бўлган янги иссиқлик электр станцияси;
- Тошкент вилоятининг Қибрай туманида қуввати 230 мегаватт бўлган газ-поршенли иссиқлик электр станцияси;
- Тошкент вилоятининг Қибрай туманида қуввати 240 мегаватт бўлган замонавий иссиқлик электр станцияси;
- Самарқанд вилоятининг Нубород туманида қуввати 100 мегаватт бўлган қуёш фотоэлектр станцияси ишга туширилган.
Станциялар қурилиши давомида 3 260 нафар иш ўрни яратилган. Улар ишга тушиши натижасида 445 нафар янги иш ўрни яратилган.0зўавқ
Бундан ташқари, йил якунига қадар Сирдарё вилоятининг Ховос туманида қуввати 220 мегаватт бўлган янги иссиқлик электр станцияси (7-электр станция) ишга туширилади.
Изоҳ (0)