Ўзбекистонда уруш фахрийлари ва ёши катта фуқаролар учун бериб бориладиган ижтимоий таъминот ўрнига қўшимча тўлов тўлаб борилади. Бу ҳақда Telegram’даги «Ҳуқуқий ахборот» канали хабар қилди.
Қайд этилишича, президентнинг янги қарорига мувофиқ, 1941—1945 йиллардаги уруш фахрийлари ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга, шунингдек, ўзгалар парваришига муҳтож бўлган ёлғиз кексалар ва ногиронлиги бўлган шахсларга бепул етказиб бериладиган озиқ-овқат маҳсулотлари ҳамда гигиена товарлари ўрнига ҳар ойда базавий ҳисоблаш миқдорининг бир баравари миқдорида қўшимча тўлов тўлаб борилади.
Шунингдек, зарур кийим-кечак ва пойабзаллар ўрнига кийим-кечак хариди учун ҳар йили август ойида базавий ҳисоблаш миқдорининг 15 баравари миқдорида тўланадиган компенсация жорий этилади.
Бунда қўшимча тўлов Тиббий-ижтимоий хизматларни ривожлантириш агентлиги томонидан пенсияларни ва нафақаларни тайинлашга масъул бўлган ташкилотга ўзгалар парваришига муҳтож бўлган ёлғиз кексалар ёки ногиронлиги бўлган шахслар тўғрисида тақдим этиладиган маълумотлар асосида амалга оширилади.
Мавзуга доир:
- «Сизлар бу ҳурматга сазоворсизлар». Шавкат Мирзиёев Иккинчи жаҳон уруши қатнашчилари ҳолидан хабар олди
- Фарғонада Иккинчи жаҳон уруши қаҳрамони Мамадали Топволдиев ҳақида ҳикоя қилувчи «Осиё арслони» фильмини суратга олиш ишлари бошланди
- Ўзбекистонда «Кексалар боғчаси» фаолият бошлаши маълум қилинди
Изоҳ (0)