Ташқи ишлар вазири вазифасини бажарувчи Владимир Норов 9 июнь куни Вьетнамнинг фавқулодда ва мухтор элчиси (қароргоҳи Москва шаҳрида) этиб тайинланган Данг Мин Кхойни қабул қилди. Бу ҳақда Ташқи ишлар вазирлиги хабар қилди.
Қайд этилишича, Норов элчининг лавозимига тайинлангани муносабати билан ишонч ёрлиқларини қабул қилиб олган. Суҳбат чоғида Ўзбекистон—Вьетнам муносабатларини ривожлантиришнинг долзарб масалалари кўриб чиқилган. Томонлар сиёсий, савдо-инвестициявий, маданий-гуманитар соҳалардаги алоқаларни фаоллаштиришга тайёр экани тасдиқланган.
Аввалроқ Ўзбекистон Канада билан Тошкентда виза марказини очиш масаласини муҳокама қилгани, Владимир Норов АҚШнинг Афғонистон бўйича махсус вакили билан учрашгани ҳақида хабар берилган.
Изоҳ (0)