Андижон ва Ромитан туманларида ўқиш ҳамда ишга киритиш билан боғлиқ фирибгарлик ҳолатлари фош этилди, дея хабар қилмоқда Иқтисодий жиноятларга қарши курашиш департаменти.
Бош прокуратура ҳузуридаги департаментнинг Андижон туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда, фуқаро Т.Х. фуқаролар Б. ва А.ни танишлари ёрдамида Андижон тиббиёт коллежига ўқишга киритиб қўйиш эвазига 4 000 АҚШ долларини олган вақтида ашёвий далиллар билан ушланган.
Шунингдек, департаментнинг Ромитан туман бўлими томонидан Миллий гвардия ходимлари билан ҳамкорликда ўтказилган тезкор тадбирда, вилоят Кўп тармоқли марказий шифохонаси кичик тиббий ходими Г.Ж. фуқаро Г.ни ваколатли танишлари орқали Бухоро шаҳар Тез тиббий ёрдам бўлимига ҳамшира вазифасига ишга жойлаштириш эвазига 1 700 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28,211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Андижонда газ қувурини юқори босимли тармоққа улаб бериш учун 3,5 минг доллар олган газ таъминоти корхонаси ходимлари ушланди
- Бухорода икки фуқарони Жанубий Кореяга ишга юбориш учун қарийб 10 минг доллар сўраган шахс ушланди
- Тошкент вилоятида 40 сотих ерни расмийлаштириб бериш учун 29 минг доллар сўраган шахс ушланди
Изоҳ (0)