Ўзбекистоннинг қатор ҳудудларида валюта қимматликларининг ноқонуний муомалага киритилишининг олдини олиш юзасидан ўтказилган тезкор тадбирда бир неча валютафурушлар қўлга тушди. Бу ҳақда Бош прокуратура ҳузуридаги департамент хабар берди.
Хусусан, Тошкентнинг Шайхонтоҳур тумани, Жарариқ кўчасида ўтказилган тезкор тадбирда фуқаролар А.И. ва Н.Н. олдиндан ўзаро тил бириктириб, 3 600 долларни фуқаро Ш.га 40 миллион сўмга сотган вақтида ашёвий далиллар билан ушланган.
Шу каби, департаментнинг Янгиқўрғон туман бўлими томонидан ўтказилган тезкор тадбирда, фуқаро Х.З. 3 400 долларни фуқаро А.га 37,5 миллион сўмга сотган вақтида ашёвий далиллар билан ушланган.
Қашқадарёнинг Яккабоғ туманида ДХХ ва ИИБ ходимлари билан ҳамкорликда ўтказилган яна бир тезкор тадбирда эса, фуқаро А.Р. 3 000 долларни 33,3 миллион сўмга фуқаро О.га сотган вақтида ушланиб, жами 3 100 доллар ашёвий далил сифатида олинган.
Худди шундан, Миришкор туманида ўтказилган тезкор тадбирда фуқаролар К.Д. ва Т.М. ўзаро тил бириктириб, фуқаро М.га 3 300 долларни 36,9 млн сўмга сотган вақтида ашёвий далиллар билан ушланган.
Юқоридаги фуқароларнинг ҳаракатлари бўйича олиб борилган тезкор кузатувларда улар доимий равишда валюта қимматликларини қонунга зид равишда айирбошлаш фаолияти билан шуғулланиб келгани маълум бўлган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Ушбу моддага кўра, валюта қимматликларини қонунга хилоф равишда олиш ёки ўтказиш жиноятини такроран содир этганлар
БҲМнинг 300 бараваридан 500 юз бараваригача миқдорда жарима ёки 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан жазоланади.
Изоҳ (0)