Ukraina madaniyat va axborot siyosati vazirligi “derusifikatsiya, dekommunizatsiya va dekolonizatsiya masalalari bilan shug‘ullanadigan” maxsus kengash tuzish tashabbusi bilan chiqdi, deb yozadi Meduza.
- Derusifikatsiya — rus yoki rus tilida so‘zlashuvchi aholini, rus tilini va rus madaniyatini ma’lum bir jamiyat hayotining turli sohalaridan siqib chiqarish jarayoni.
- Dekommunizatsiya — jamiyat hayotining barcha sohalaridan kommunistik mafkuralarning bartaraf etilishiga qaratilgan nazariy va amaliy faoliyat.
- Dekolonizatsiya — mustamlaka va qaram mamlakatlarning mustaqillikka va to‘liq suverenitetga ega bo‘lishi jarayoni.
“Rossiyaning to‘liq ko‘lamda bostirib kirishi davlatimizda sovet va rus merosini ukrain merosi bilan almashtirish talabi ancha kuchayib ketdi. Bu masalada monumental san’at eng ziddiyatli hisoblanadi. Axir ba’zi yodgorliklar va haykallar sovet yoki rus mazmuniga ega bo‘lishi mumkin va bir vaqtning o‘zida san’at asari ham hisoblanadi. Qonunchilikka muvofiq, turli demontaj va ularga murojaat qilish jarayonlari mavjud. Bunday masalalar mahalliy hukumat va jamoatchilik bilan kelishilishi kerak”, — deyiladi xabarda.
Urush boshlanganidan keyin Kiyevda SSSR va Rossiya bilan bog‘liq yodgorliklar va boshqa esdalik belgilari buzib tashlana boshladi. Xususan, Kiyevda Xalqlar do‘stligi arkasi Ukrain xalqi ozodligi arkasi deb qayta nomlandi va uning yonida turgan, sovet davriga xos ikki ishchi haykali demontaj qilindi. Xarkovda Aleksandr Nevskiy, Nikolayevda esa Aleksandr Pushkin haykali olib tashlandi.
Mavzuga doir:
- Ukrainaning Xerson va Zaporojye viloyatlari Rossiya aloqasi va internetiga to‘liq o‘tdi
- Rossiya Ukrainadagi Liman shahri to‘liq nazorat ostiga olinganini e’lon qildi, Xerson viloyati chegaralarini yopdi
- Zaporojyening “yangi hokimiyati” viloyatda rublni joriy etdi va Rossiya tarkibiga qo‘shilish istagini e’lon qildi. Xersonda ham shunday bo‘lgandi
- Xersonning yangi hokimiyati rus tiliga davlat tili maqomini bermoqchi
Izoh (0)