Швецияда кемирувчиларда янги коронавирус аниқланди

Швецияда кемирувчилар орасида тарқалиб юрувчи янги коронавирус аниқланди, деб ёзади Science Alert.

Тадқиқотчилар Швецияда малла даласичқонларда аниқланган янги коронавирусга Гримсö вируси деб ном берди. Олимлар ҳозирча ушбу вирус одамларга хавф туғдириши борасида аниқ хулосага эга эмас. Шунга қарамай, уларнинг сўзларига кўра, олинган натижалар одамлар ёввойи табиатдаги вирусларни назорат қилиши кераклиги сабаби ҳақидаги яхши эслатма бўлган, айниқса, бевосита яқин яшайдиган ҳайвонлар орқали юқадиган вируслар назарда тутилган.

Малла даласичқонлар Европада энг кенг тарқалган кемирувчилардандир. Ноқулай об-ҳаво шароитларидан қочиб, даласичқонлар шаҳардаги биноларга бекиниб олади, бу эса одамларнинг касалланиши хавфини оширади.

2015 йилдан 2017 йилгача бўлган даврда тадқиқотчилар Стокгольмдан ғарбда жойлашган Гримсе деган жойда 450 та ёввойи даласичқонни ўрганиб чиқди. Кемирувчиларни коронавирусга нисбатан тест қилиб, жамоа янги бетакоронавирусни аниқлади, у намуналарнинг 3,4 фоизида айланиб юрган. Бетакоронавируслар одатда кўршапалак ва кемирувчилар орасида учрайди, одамга юққанида эса улар шамоллаш ва SARS-CoV-2 каби респиратор вируслари юзага келишига сабабчи бўлади.

Бундан ташқари, бошқа турдаги коронавируслар Европанинг Франция, Германия ва Польша каби бошқа қисмларида даласичқонлар орасида кенг тарқалган, бу эса ушбу жониворлар касаллик учун табиий резервуар бўлиб ҳисобланишини тахмин қилиш имконини беради.

Олимлар фикрича, Гримсö вирусининг тарқалувчанлик хусусияти ёмон аломат бўлиб, вирус янги эгаларига ва яшаш жойларига осонлик билан мослашишини билдиради.