Мустақил Давлатлар Ҳамдўстлиги (МДҲ) мамлакатлари учун АҚШ томонидан молиялаштирилувчи дарсликлар ва ўқув курсларида Собиқ Иттифоқ тарихи нотўғри талқин қилинади, деди Россия Хавфсизлик кенгаши котиби ўринбосари Рашид Нургалиев. Совет халқининг фашизм билан курашдаги жасоратини бадном қилишга уринишларга йўл қўймаслик учун МДҲ мамлакатлари Иккинчи Жаҳон уруши тарихи бўйича ягона ўқув дарсликларини тайёрлашни бошлашни режалаштирмоқда, деди Нургалиев.
«Вашингтон томонидан молиялаштирилувчи, МДҲ мамлакатлари учун мўлжалланган дарсликлар ва ўқув курслари СССР тарихи, Марказий Осиё ва Кавказорти давлатлари ривожланишида Россиянинг ўрни борасида нотўғри тушунчалар беради», — деди Россия Хавфсизлик кенгаши котиби ўринбосари. Шу муносабат билан Россия МДҲ доирасида умумий маданий-тарихий меросни сақлаб қолиш масаласида ҳамкорликни ривожлантирмоқчи.
Апрель бошида Россия Давлат думаси спикери Вячеслав Володин парламент аъзоларига Россия мактабларида Иккинчи Жаҳон уруши тарихи ўқитилиши сифатини таҳлил қилишни буюрганди. «Бизда уруш тарихи мактаб дастурида жуда кам вақт ажратилмоқда, бу биринчи масала. Иккинчи масала шуки, бу айнан мактаб ўқувчилари ўзларига янги йўл қидириш билан банд бўладиган вақт оралиғига тўғри келади, чунки бу 10—11-синфларга тегишлидир», — деганди Володин.
Апрель ўрталарида Россия таълим вазири Сергей Кравсов ҳукумат мактабларда биринчи синфдан бошлаб тарих фанини киритишга қарор қилганини айтди. Вазирнинг сўзларига кўра, бу тарихий хотирани сақлаш учун зарур.
Мавзуга доир:
- Украина Иккинчи Жаҳон урушида қатнашган МДҲ давлатлари халқларининг хотирасини абадийлаштириш тўғрисидаги келишувдан чиқди
- Путин Ғалаба парадида сўзга чиқиб, глобал урушнинг олдини олишга чақирди
- Украина олий Радаси Россия «натсизм устидан ғалаба қозонди» дейиш энди нотўғрилигини билдирди ва мамлакатни нацистлар Германиясига қиёслади
- Россия ва Беларусь Иккинчи жаҳон уруши даврида СССР халқларининг геноцидини тергов қилади
Изоҳ (0)