2022 йилда Россия бюджети Европа Иттифоқи нефть эмбаргосидан зарар кўрмаслиги мумкин. Бироқ 2023 йилда вазият мамлакат иқтисоди учун яхши бўлмайди. Бу ҳақда «Коммерсантъ» хабар берди.
BCS Global Markets (BCS GM) стресс тести шуни кўрсатдики, келгуси йил Россия бюджети тахминан 30-50 млрд доллар йўқотиши мумкин.
Бизнинг ҳисоб-китобларимиз 2022 йилда Россия учун нефть эмбаргоси ноқулай сценарий бўлса ҳам, мамлакатнинг ташқи мавқейи мустаҳкам бўлиб қолишини тасдиқлайди, савдо баланси 250 млрд доллардан ошади, — деди BCS GM катта иқтисодчиси Наталя Лаврова.Унга кўра, 2023 йил учун вазият унчалик қулай эмас. Ишлаб чиқаришнинг 30 фоизга (350 млн тоннагача) қисқариши ва Urals нефтининг нархи бир баррель учун 80 доллар қолиши туфайли бюджет даромадлари 2023 йил учун прогнозлардан 50 млрд долларга кам бўлиши мумкин.
Аммо агар Urals нефтининг нархи бир баррель учун 110 долларгача кўтарилса, йўқотишлар 30 млрд долларни ташкил қилади, — деб тахмин қилмоқда Наталя Лаврова.Экспертга кўра, Россиянинг нефть даромадларига қарамлигини ҳисобга олсак, 2023 йилда Россия бюджети мавқейи хавф остида қолиши мумкин.
Аввалроқ Европа етакчилари Россиядан нефть импортини қисман тақиқлаш ҳақида келишиб олгани, лекин нефть қувурлари орқали етказиб бериш эмбарго остида қолмаслиги хабар берилган эди.
Изоҳ (0)