Ижтимоий тармоқларда Тошкентдаги жамоат транспорти ҳайдовчилари ўртасида юзага келган можаро акс этган видео тарқалди. Пойтахт ИИББ ҳолатга муносабат билдириб, автобус ҳайдовчиларига нисбатан чора кўрилганини маълум қилди.
Маълум қилинишича, 1 июнь куни Юнусобод туманидаги савдо маркази ёнида жойлашган автобуслар тўхташ бекатида автобус ҳайдовчилари 31 ёшли Т.К., 43 ёшли А.У. ҳамда 25 ёшли кондуктор М.Г. ўртасидаги даҳанаки жанжал юзага келган. Шу ерда бўлган бошқа фуқаролар томонидан ушбу можаро тўхтатилган.
Ушбу ҳолат юзасидан автобус ҳайдовчилари Т.К. ва А.У.га нисбатан Маъмурий жавобгарлик тўғрисидаги кодекснинг 183-моддасига (майда безорилик) асосан баённома расмийлаштирилиб, тўпланган ҳужжатлар Жиноят ишлари бўйича Юнусобод туман судига тақдим этилган.
Бундан олдин Қибрайда икки йўловчи автобус пойга ўйнаши оқибатида улардан бири Lacetti билан тўқнашиб кетгани, Сирдарёда маст ҳолда қарама-қарши йўлга чиқиб кетаётган автобус ҳайдовчиси ушлангани, Тошкентда телефонда «Форсаж» кўриб ҳаракатланган Isuzu ҳайдовчисига чора кўрилгани тўғрисида хабар берилганди.
Изоҳ (0)