Bugun,

  • USD 11014.01
  • RUB 191.8
  • EUR 10674.78

Sirdaryo viloyati Guliston shahrida 2-aprel kuni jamoat transporti bo‘lgan avtobusni mast holda boshqargan haydovchiga chora ko‘rildi. Bu haqda Yo‘l harakati xavfsizligi xizmati xabar berdi.

Foto: Yo‘l harakati xavfsizligi xizmati

Foto: Yo‘l harakati xavfsizligi xizmati

Qayd etilishicha, shu kuni soat 15:30 larda Guliston shahar hududida xizmat olib borayotgan YPX xodimlari qarama-qarshi harakatlanish uchun mo‘ljallangan tomonga chiqib kelayotgan Isuzu avtobusi haydovchisini to‘xtatgan. Tekshiruv davomida haydovchidan spirtli ichimlik hidi kelgani sabab xodimlar uni mastlik holati bo‘yicha tekshiruvga taklif qilgan. Tekshiruv natijalariga ko‘ra, haydovchi O.N. (1978-yilda tug‘ilgan) mast holdaligi aniqlangan.

Unga nisbatan Ma’muriy javobgarlik to‘g‘risidagi kodeksning 128⁵-moddasi (transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi) ikkinchi qismi hamda 131-moddasi (transport vositalarini mast holda boshqarish) tartibida ma’muriy bayonnoma tuzilgan. Avtobus vaqtincha saqlash uchun jarima maydoniga qo‘yilgan.

Eslatib o‘tamiz, 9-mart kuni Toshkent shahrida avtobus 70 va 5 yoshli fuqarolarni urib yuborgandi. YTH oqibatida 70 yoshli piyoda shifoxonada vafot etgan. 5 yoshli bola esa “bosh sohasi lat yeyishi” tashxisi bilan shifoxonaga yotqizilgan.  “Toshshahartrans” holat yuzasidan rasmiy ma’lumot bergan:

“Haydovchi S.M. avtobusni Chilonzor ko‘chasi bo‘ylab boshqarib ketayotganida yo‘lda to‘xtab qolgan yengil avtomobil bilan to‘qnashib ketmaslik maqsadida avtobusni keskin o‘ngga burgan. Oqibatda yo‘l chetida turgan 2 nafar piyodani urib yuborgan”.

Izoh
Asosiy yangiliklar
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Mahalliy
O‘zbekiston davlat xizmatlari sohasida qariyb 100 mingta qonunbuzilish holati aniqlandi
Mahalliy
O‘zbekistonda kuz-qish mavsumi oldidan suv tarmoqlarini sozlash ishlari qanday ketayotgani aytildi