Фарғона вилояти Фарғона шаҳридаги меҳмонхона кимошди савдосига қўйилди. Лот маълумотлари «E-auksion» порталида эълон қилинган.
Лот аукционга суд ҳукми билан Фарғона шаҳар МИБ томонидан жойлаштирилган. Бундан ташқари бино тўлиқ хатланган.
Ер участкасининг умумий майдони — 1,2 гектар. Бинонинг майдони — 2 235 квадрат метр. Қурилиши тугалланмаган меҳмонхона 4 қаватдан иборат.
Аукционга қўйилган меҳмонхонанинг бошланғич баҳоси — 16,7 млрд сўм. Аризалар 1 июль 09:00 га қадар қабул қилинади. Савдолар худди шу куни 10:00 да бошланади.
Аввалроқ «Дархон»даги икки қаватли бинонинг бир қисми қарийб 25 млрд сўмга аукционга қўйилгани ҳақида хабар берилган эди.
Изоҳ (0)