Tesla компанияси бош директори Илон Маск компаниянинг, тахминан, 10 фоиз иш ўринини қисқартириши керак раҳбарларга маълум қилди. Бу ҳақда Reuters хабар бермоқда.
Tesla компаниясининг бош ижрочи директори Илон Маск сешанба куни масофада ишловчи ходимларни офисга қайтиши ёки ишдан кетиши кераклигини айтган эди.
Дунёнинг энг бой одами масофадан ишлашни хоҳлайдиган ҳар бир киши ҳафтасига камида 40 соат офисда бўлиши ёки кетиши кераклигини сўраган.
2021 йил охиридаги маълумотларга кўра, Tesla ва унинг шўъба корхоналарида деярли 100 минг киши фаолият олиб бораётган эди. Бундан келиб чиқадики, 10 мингга яқин одам ишдан бўшатилиши мумкин.
Tesla акциялари жума куни АҚШнинг бозор олди савдосида деярли 3 фоизга пастлади ва унинг Франкфурт рўйхатидаги акциялари Reuters хабаридан кейин 3,6 фоизга тушди.
Ҳозирча Tesla автомобиллари ва бошқа электр транспорт воситаларига талаб кучлилигича қолмоқда.
Компания ўзининг Шанҳайдаги заводида ишлаб чиқаришни тўлиқ қайта бошламоқчи. Хитойдаги заводда пандемия сабабли узилишлар кузатилганди.
Яқинда бир нечта таҳлилчилар Tesla автомобиллари учун нархларни пасайтирди. Бундан ташқари улар Хитойга электр транспорт воситаларини етказиб бериш ва экспорт қилиш маркази бўлган Шанхайдаги заводда ишлаб чиқаришни тўхтатишни прогноз қилмоқда.
Tesla маълумотларига кўра, 2021 йилда компания глобал етказиб беришининг учдан бир қисмидан кўпроғи Хитой ҳиссасига тўғри келган.
2 июнь куни Daiwa Capital Маrkets Tesla’нинг Хитойда етказиб берилишини кутаётган 32 000 га яқин буюртмалари борлигини маълум қилди.
Изоҳ (0)