Аввалроқ Ўзбекистонда IT-парк онлайн университети ташкил этилиши ҳақида хабар берилган эди.
Университет IT ва коммуникацияларни ривожлантириш вазирлигининг Москва IT-парки ва EPAM халқаро компанияси томонидан устав капитали 2 млн доллар (70 фоиз — EPAM Глобал Campus, АҚШ) томонидан ташкил этилган.
Университет дастури битирувчилар учун замонавий ва юқори талабга эга IT касбларини эгаллашга қаратилган.
Ўқув жараёни аралаш, асосан онлайн тарзда олиб борилади. Эндиликда республиканинг турли бурчакларидан келган талабалар Тошкентга кўчиб ўтиш заруратисиз замонавий, талабгир IТ мутахассислигини эгаллашлари мумкин бўлади.
Университетдаги мутахассисликлар:
- Web Developer
- Networks Engineer
- Software Теster
- Backend Developer (Java)
- Mobile Developer (Android)
- Front-End Developer
- QА Engineer
- Big Data Engineer
Бакалавриат бўйича ўқиш муддати 3 йил ва таълим асосан инглиз тилида олиб борилади.
Инглиз тилини билиш даражаси IELTS 4.5 дан паст бўлмаслиги лозим ва IELTS сертификатини тақдим этиши ёки абитуриент IT Park офисларида EPAM мутахассислари иштирокида синовдан ўтиши, имтиҳон учун жой ва вақтни олдиндан банд қилиш керак.
Ўқишга кириш учун мактабни битирганлик тўғрисидаги гувоҳнома ҳамда IELTS сертификати ёки инглиз тили имтиҳонидан ўтиш талаб қилинади.
Кириш имтиҳонлари 2022 йил 25 июндан бошланади. Университетда аллақачон ўқиш дастури ва кириш учун барча талаблар билан батафсил танишишингиз мумкин бўлган веб-сайт мавжуд.
Изоҳ (0)