ИИВ Йўл ҳаракати хавфсизлиги хизмати ҳайдовчиларга 1 июнгача қайд этилган баённомалар қандай ҳисобланиши бўйича «Дарё»га тушунтириш берди.
Ўзбекистонда 1 июндан бюджет ташкилотлари ходимлари иш ҳақи миқдори 12 фоиз миқдорида оширилди. Унга кўра, энг кам иш ҳақи миқдори ойига 920 минг сўм, базавий ҳисоблаш миқдори — 300 минг сўм этиб белгиланди.
«Дарё» таҳририятига кўпчилик ҳайдовчиларга 1 июнгача қайд этилган жарималар қайси нархда ҳисобланиши бўйича саволлар келиб тушди.
«Фуқароларга шуни маълум қиламизки, 31 май куни ҳам содир этилган ҳуқуқбузарликлар бўйича расмийлаштирилган маъмурий баённомалар, аввалги, белгиланган базавий ҳисоблаш миқдорида, яъни 270 минг сўм миқдорида ҳисобланади. 1 июнь санасидан бошлаб содир этилган ҳуқуқбузарликлар эса амалдаги ҳисоблаш миқдори, яъни 300 минг сўмдан ҳисобланади», — дейилади Йўл ҳаракати хавфсизлиги хизмати ахборотида.
Бундан аввал Ўзбекистонда тиббиёт ходимларининг ойлик маоши 15 фоизгача оширилгани ҳақида хабар берилганди.
Изоҳ (0)