Тожикистон президенти Эмомали Раҳмон Ўзбекистон президенти Шавкат Мирзиёевнинг таклифига биноан Тошкентга келди. Тожикистон раҳбари Тошкентга Somon Air авиакомпаниясининг йўловчи рейсларини бажарувчи самолётида учиб келди.
Somon Air авиакомпаниясининг самолётлари тожик давлатчилиги асосчиси Исмоил Сомоний ва Тожикистон қаҳрамонлари — Нусратулло Маҳсум, Мирзо Турсунзода, Бобожон Ғофуров, Садриддин Айний ва Шириншо Шотемур номлари билан аталади.
Эмомали Раҳмон учиб келган, борт рақами EY777 бўлган Boeing-737-800 самолётига ёзувчи, шоир, давлат ва жамоат арбоби Садриддин Айний номи берилган. Давлат раҳбари 2018 ва 2019 йилларда ҳам Ўзбекистонга айнан шу самолётда учиб келганди. Эмомали Раҳмоннинг ўғли, Душанбе ҳокими Рустам Эмомали ҳам Ўзбекистонга ушбу самолётда келган.
Тожикистон раҳбарларининг хорижга ташрифларидан ташқари ушбу самолёт Somon Air авиакомпаниясининг мунтазам рейсларида фойдаланилади. Ўтган ҳафта (23—29 май) давомида Садриддин Айний номидаги самолёт 10 марта Москвага, 1 мартадан Тошкент ва Олмаотага рейсларни амалга оширган.
«Спутник Тожикистон»нинг қайд этишича, Эмомали Раҳмон бюджет пулларини иқтисод қилиш учун шахсий самолёт сотиб олишни истамаган.
Изоҳ (0)