Баҳодир Абдикаримов Туризм ва маданий мерос вазирлиги ҳузуридаги Маданий мерос агентлиги директори этиб тайинланди. Бу ҳақда ЎзА хабар қилди.
Бош прокурор матбуот котиби Ҳаёт Шамсутдиновнинг маълум қилишича, Баҳодир Абдикаримов тайинловга қадар Бош прокуратура бўлим бошлиғи лавозимида фаолият юритиб келган.
Маълумот учун, Маданий мерос агентлигининг аввалги директори Шахриёр Нуруллоев май ойининг сўнггида лавозимидан озод этилганди. Бунга нима сабаб бўлгани ҳақида аниқ маълумот мавжуд эмас. Нуруллоев ушбу лавозимга 2021 йилнинг декабрида тайинланганди. Унга қадар Президент администрацияси масъул ходими сифатида фаолият юритган.
Бундан аввал Шуҳрат Маҳмудов Маданий мерос агентлиги директорига ўринбосар этиб тайинлангани ҳақида хабар берилган эди.
Изоҳ (0)