Madaniy meros agentligiga Bosh prokuratura xodimi rahbar etib tayinlandi

Bahodir Abdikarimov Turizm va madaniy meros vazirligi huzuridagi Madaniy meros agentligi direktori etib tayinlandi. Bu haqda O‘zA xabar qildi.

Bosh prokuror matbuot kotibi Hayot Shamsutdinovning ma’lum qilishicha, Bahodir Abdikarimov tayinlovga qadar Bosh prokuratura bo‘lim boshlig‘i lavozimida faoliyat yuritib kelgan.

Ma’lumot uchun, Madaniy meros agentligining avvalgi direktori Shaxriyor Nurulloyev may oyining so‘nggida lavozimidan ozod etilgandi. Bunga nima sabab bo‘lgani haqida aniq ma’lumot mavjud emas. Nurulloyev ushbu lavozimga 2021-yilning dekabrida tayinlangandi. Unga qadar Prezident аdministratsiyasi mas’ul xodimi sifatida faoliyat yuritgan.

Bundan avval Shuhrat Mahmudov Madaniy meros agentligi direktoriga o‘rinbosar etib tayinlangani haqida xabar berilgan edi.