Ўзбекистон ва Тожикистон ҳукуматлари ёз даврида Роғун гидроэлектростанцияси томонидан ишлаб чиқариладиган электр энергиясини экспорт қилишга оид меморандумни имзолади. Бу ҳақда Энергетика вазирлиги «Дарё»га маълум қилди.
Ҳужжат икки давлат ўртасидаги дўстона муносабатларни тенг ҳуқуқлилик ва ўзаро манфаатдорлик асосида мустаҳкамлаш мақсадида имзоланган.
Тожикистон томонининг маълум қилишича, ҳозирда Роғун ГЭСнинг барча агрегатларини босқичма-босқич ишга тушириш жараёни давом этмоқда.
Электр энергиясини етказиб бериш шартлари, режимлари, ҳажмлари ва тарифлари жорий йил охиригача имзоланиши режалаштирилган электр энергиясини харид қилиш бўйича алоҳида шартнома доирасида кўриб чиқилади. Тахминан гап 10 йиллик муддат учун тузиладиган шартнома ҳақида кетмоқда.
Роғун ГЭС ҳақида
Роғун ГЭС мамлакатдаги энг йирик кўламли лойиҳа энг узоқ қурилган лойиҳа ҳам ҳисобланади. ГЭС учун тайёргарлик ишлари 1976 йилда бошланган. Тўғон 1982 йилдан 1991 йилгача қурилган. Унинг қурилиши Совет Иттифоқи парчалангандан сўнг тўхтатиб қўйилган. 2007 йилда Тожикистон ҳукумати станция қурилишини давом эттиришини маълум қилган.
Изоҳ (0)