Давлат хизматлари агентлиги Ўзбекистонда 2022 йилнинг ўтган беш ойи давомида энг кўп қўйилган исмлар ҳақида маълумот берди. Маълум қилинишича, январь—май ойлари давомида республикада янги туғилган чақалоқларга Муҳаммадали ва Солиҳа исмлари энг кўп қўйилган.
Солиҳа исми 9 929 нафар қизга қўйилган бўлса, ўтган беш ой ичида янги туғилган 9 567 нафар чақалоққа Муҳаммадали исми берилган.
Эслатиб ўтамиз, Муҳаммадали ва Солиҳа исмлари 2019 ва 2020 йилларда ҳам энг машҳур исмларга айланганди. 2018 йилда эса Солиҳа ва Мустафо, 2017 йилда — Мадина ва Азизбек эди.
Аввалроқ Ўзбекистонда 2022 йилнинг тўрт ойида қайси вилоятларда энг кўп эгизаклар туғилгани маълум бўлганди.
Изоҳ (0)