Adliya vazirligi huzuridagi Davlat xizmatlari agentligi O‘zbekistonda 2019-yil davomida eng ko‘p qo‘yilgan ismlar haqida ma’lumot berdi. Agentlik xabariga ko‘ra, 2019-yil davomida respublikada yangi tug‘ilgan chaqaloqlarga Muhammadali va Soliha ismlari eng ko‘p qo‘yilgan.

Foto: EPA

Yangi tug‘ilgan o‘g‘il bolalarning 11 305 nafariga Muhammadali ismi qo‘yilgan bo‘lsa, qizlarning 12 461 nafariga esa Soliha ismi qo‘yilgan.

2018-yilda O‘zbekistonda chaqaloqlarga eng ko‘p qo‘yilgan ismlar Mustafo va Soliha ismlari bo‘lgandi. Undan avvalgi yilda esa Azizbek va Madina ismlari eng ko‘p qo‘yilgan.

Bundan avval O‘zbekistonda 2020-yilning ilk 18 soatida 1111 nafar chaqaloq dunyoga kelgani xabar berilgan edi.