Наманган шаҳридаги уйлардан бирида тегишли ҳужжатларга эга бўлмаган хорижда ишлаб чиқарилган дори воситалари топилди. Бу ҳақда Наманган вилояти Ички ишлар бошқармаси хабар қилди.
Қайд этилишича, 8 май куни соат 22:00 ларда олинган тезкор маълумот асосида вилоят ИИБ ходимлари томонидан Наманган шаҳрида яшовчи фуқаронинг (1991 йилда туғилган) яшаш хонадони холислар иштирокида кўздан кечирилган. Тадбир давомида уйнинг дарвозахонасида жами 50 дона қутида хориж давлатида ишлаб чиқарилган, тегишли ҳужжатлари бўлмаган 116 турдаги 700 миллион сўмлик дори воситаларини ноқонуний равишда сақлаб келинаётгани аниқланган.
Ҳолат юзасидан тегишли ҳужжатлар расмийлаштирилиб, ашёвий далиллар Божхона бошқармасига топширилган.
Мавзуга доир:
Изоҳ (0)