Namangan shahridagi uylardan birida tegishli hujjatlarga ega bo‘lmagan xorijda ishlab chiqarilgan dori vositalari topildi. Bu haqda Namangan viloyati Ichki ishlar boshqarmasi xabar qildi.
Qayd etilishicha, 8-may kuni soat 22:00 larda olingan tezkor ma’lumot asosida viloyat IIB xodimlari tomonidan Namangan shahrida yashovchi fuqaroning (1991-yilda tug‘ilgan) yashash xonadoni xolislar ishtirokida ko‘zdan kechirilgan. Tadbir davomida uyning darvozaxonasida jami 50 dona qutida xorij davlatida ishlab chiqarilgan, tegishli hujjatlari bo‘lmagan 116 turdagi 700 million so‘mlik dori vositalarini noqonuniy ravishda saqlab kelinayotgani aniqlangan.
Holat yuzasidan tegishli hujjatlar rasmiylashtirilib, ashyoviy dalillar Bojxona boshqarmasiga topshirilgan.
Mavzuga doir:
- Buxoroda xorijdan olib kelingan 5,2 mlrd so‘mlik dori vositalarining noqonuniy kiritilishiga chek qo‘yildi
- DXX Toshkentda psixotrop dori vositalarining noqonuniy savdosi bilan shug‘ullangan shaxslarni ushladi
- O‘zbekistonga qiymati 9 mlrd so‘mdan ortiq bo‘lgan tovarlar noqonuniy olib kirilayotgani aniqlandi
Izoh (0)