«Реал» ҳужумкор ярим ҳимоячиси Эден Азар фаолиятида илк бор Чемпионлар Лигаси бош совринига эга чиқди.
Шу тариқа бельгиялик футболчи АПЛ, Лига 1, Ла Лига, Чемпионлар Лигаси ва Европа Лигасида ғалаба қозонган тарихдаги илк футболчига айланди.
Бунга қадар Эден «Челси» сафида Премьер Лига (2014/15, 2016/17), «Лилл» билан Лига 1 (2010/11), «Реал» сафида Ла Лига (2019/20, 2021/22) чемпионлигини қўлга киритган. Европа Лигасида эса «Челси» билан икки марта (2012/13, 2018/19) зафар қучган.
Ҳамма билади, менинг «Реал» билан амалдаги шартномам 2024 йилга қадар мўлжалланган. Дастлабки уч мавсум у қадар яхши бўлмади, бироқ барчага нималарга қодирлигимни кўрсатмоқчиман.Азар 2019 йилнинг ёзида «Челси»дан «Реал» сафига ўтганди. 31 ёшли футболчи жароҳат сабаб мадридликларнинг кўплаб ўйинларини ўтказиб юборди.«Реал»да тўп суришни ҳар доим орзу қилганман. Ишончим комил, келаси мавсум меники бўлади.
Эден Азар, «Реал» футболчиси
Изоҳ (0)