Урушдан аввалги пайтга қараганда кучлироқ — Рубльнинг келажаги нима бўлади?

2021 йил декабрдан 2022 йил 27 майгача бўлган даврда доллар ва евронинг рублга нисбатан курслари аввалига ўзининг тарихий энг юқори кўрсаткичларини янгилади, кейин эса сўнгги йиллардаги энг паст даражага тушди. Таҳлилчилар рублнинг келажагини прогноз қилиб кўришди. 

Россия Марказий банкининг 18 февралдаги курси бўйича 1 доллар 75,8 рубль, 1 евро эса 86 рубль бўлиб турибди.

21 февраль оқшомида Путин Донецк ва Луганск ҳудудларининг мустақиллигини эълон қилди: эртаси куни бир доллар 79,7 рубль, евро эса 90,3 рублни ташкил қилди.

24 февраль куни Россия Украинада «ҳарбий операция» бошлади: доллар курси 84,9 рублга, евро 95,3га кўтарилди.

Максимал қийматда валюталарнинг қиймати 10 март куни эди: доллар – 118,4 рубль, евро эса – 128 рубль.

Россия ва Украина ўртасидаги уруш бошланганидан сўнг, дарҳол Россия Марказий банки ва Молия вазирлиги фонд ва валюта бозорларини қўллаб-қувватлаш учун чекловлар киритди. 

Хусусан чет эл валютасини сотиб олаётганда биржада 12 фоиз комиссия ўрнатилди. Бундан Россиядан олиб чиқилиши мумкин бўлган пул миқдорига ҳам чекловлар киритилди. Экспортчиларга эса валюта тушумининг 80 фоизини сотиш мажбурияти юклатилди.

Март ойининг охирига келиб, курс икки хонали рақамга қайтди ва май ойининг охиригача у деярли ҳар куни — ҳатто чекловлар қисман олиб ташланганидан кейин ҳам тушиб кетди.

Масалан, 23 май куни Россия Молия вазирлиги экспортчиларга валюта тушумининг 80 фоизини эмас, 50 фоизини сотишга рухсат берди. 

Аммо бу доллар ва евро курсларига таъсир қилмади: улар пасайишда давом этди ва 25 майда доллар 56,7 рубль, евро эса 57,8 рублни ташкил қилди.

Фақатгина асосий ставка 11 фоизга туширилгандан сўнг, рубль бироз тушди. 27 май ҳолатига кўра, Россия Марказий банки доллар қийматини 62,04 рубль, еврони эса 64,43 рубль деб белгилаган. 

Нима учун рубль курси мустаҳкамланди?

Марказий банкнинг капитал ҳаракатини чеклаши. 30 сентябргача россиялик жисмоний шахслар ва дўстона мамлакатлардан келган норезидентлар чет элга ойига 50 минг долларгача пул ўтказишлари мумкин. 

Россияда ишламайдиган санкцияларни қўллаб-қувватловчи мамлакатларнинг жисмоний ва юридик шахсларига ҳали ҳам чет элда пул олиб чиқишга рухсат берилмаган.

Импортнинг кескин пасайиши. Россия Федерал божхона хизмати март апрель ойлари учун экспорт статистик маълумотларини эълон қилмади. Бироқ The Economist журнали Россиянинг мамлакатга импортининг 60 фоизини ва экспортининг 40 фоиздан ортиғини ташкил этувчи Россиянинг саккизта асосий ҳамкори ҳақидаги маълумотларни таҳлил қилди. Журнал маълумотларига кўра, пул кўринишида импорт 44 фоизга қисқарган, экспорт эса 8 фоизга ошган.

Россия гази рублда тўлов. 19 май куни Россияда бош вазир ўринбосари Александр Новак «Газпром»нинг 54 мижозининг ярми рубль ҳисобини очганини, баъзилари эса ҳатто тўлаганини айтди.

Солиқ муддати. Энди экспортчилар солиқ тўлашлари керак — улар рублда тўлаш учун ўз валюталарини сотишади, дея тушунтиради БCС World of Investmentс фонд бозори бўйича эксперти Дмитрий Бабин. 

Уруш бошланганидан буён импорт кескин пасайиб кетгани сабабли, бу валютага харидорлар етарли эмас. Шунинг учун валюта курси тушади.

Марказий банк валюта тушумининг атиги 50 фоизини сотишга рухсат берганига қарамай, экспортчилар даромадларни катта ҳажмда сотишда давом этади, чунки улар банкларда доллар ва евро сақлашдан қўрқишади. Бунга эса санкциялар сабаб бўлмоқда.

Энди рубль нима бўлади?

БCС Мир Investmentс инвестиция стратегиги Александр Бахтиннинг айтишича, 30-31 май кунлари бўлиб ўтадиган Европа Иттифоқи саммитида нефть эмбаргоси ​​тасдиқланиши эҳтимоли рублга ҳам таъсир қилиши мумкин. 

Аммо шу билан бирга, улар Россия бозорида валютани сотиб олишдан кўра тез-тез сотишни давом эттиради. Шунинг учун рубль жуда кўп зарар кўрмайди. 

Унинг қайд этишича, қисқа муддатда рублнинг долларга нисбатан курси 62-66 рубль даражасида қолиши мумкин, июнь ойида эса у аста-секин 70 га силжийди.

Россия Иқтисодий ривожланиш вазирлиги маълумотларига кўра, рублнинг мустаҳкамланиши аллақачон ўз чегарасига етган. 

Энди импорт, капитал оқимлари янги шароитларга мослашади. 

Россия иқтисодиётини янги чақириқлар муносабати билан қайта қуриш 1,5-2 йил давом этади — бу даврда ялпи ички маҳсулотда пасайиш кузатилади, кейин ўсиш бошланади, — деди Ҳисоб палатаси раҳбари Кудрин.