Electricите де France (EDF) компаниясининг ядровий носозликлари Европа энергетика бозорлари орқали қитъанинг Россия газидан юз ўгириш режасини бузиб қўйиши мумкин. Бу ҳақда Bloomberg хабар бермоқда.
Одатда қишда арзон энергия экспорт қиладиган Европанинг энг йирик атом энергияси ишлаб чиқарувчиси ишлаб чиқариш прогнозини учинчи марта қисқартиргандан кейин бу йил импорт қилишга мажбур бўлиши мумкин.
Носозликлар билан тўлиб-тошган флот нафақат Франция учун, балки қўшни Германия каби давлатлар учун ҳам муаммо ҳисобланади. Бу давлатлар эса энергия бўйича Москвага қарамлик қутулмоқчи эди.
Бизда геосиёсий вазиятни ҳисобга олган ҳолда нотўғри вақтда юз бераётган француз муаммоси бор. Бутун Европа мувозанати хавф остида қолиши мумкин, — дейди франциялик мутахассис Николас Леклер.Россиянинг Украинага уруши ортидан минтақа мамлакатлари муқобил газ таъминотини таъминлашга шошилмоқда.
Бу ўтган йили 40 фоиз таъминоти учун Россияга таянган ва ўз ядро саноатини тўхтатаётган Германия каби давлатлар учун катта муаммо.
Мамлакат катта миқдордаги суюлтирилган газни сотиб олишни режалаштираётган бўлса-да, ҳали ўз импорт терминалларига эга эмас.
Франция барча қўшни давлатларда электр энергияси ишлаб чиқариш йўллари бўлишини талаб қилади. Германия Россия билан унчалик зиддиятда эмаслиги биз учун муҳим. Агар улар Россия газидан фойдаланиш имконига эга бўлмаса, биз учун зарур бўлган электр энергиясини ишлаб чиқара олмайди, — деди Леклер.Германия сешанба куни газ таъминоти камайган тақдирда кўмир ва нефтда ишлайдиган электр станцияларини қайтаришини маълум қилди.
Аммо Европа термал кўмирнинг катта қисми бўйича ҳам Россияга қарам, айниқса Германия бунга янада боғлиқроқ.
Франция учун электр энергияси импорти мисли кўрилмаган нарса эмас. Ўтган қишда уч ой давомида мамлакатга электр энергияси келиб тушди.
Аммо бу йил бутун Европа бўйлаб учун газ камроқ бўлади. Таъминот билан боғлиқ хавотирлар ортиб бораётганлиги сабабли, 2023 йилнинг биринчи чорагида Францияда энергия учун нархлар анчагина ошиши мумкин.
Қишга келиб эса Франция катта миқдорда электр энергиясини импорт қилиши кутилмоқда. Европа бўйлаб узоқ давом этадиган совуқ ҳаво талабни оширади.
Шу тариқа Европанинг энг йирик энергия экспортчиси — Франция қишда импортга муҳтож бўлиб қолиши мумкин.
EDF’нинг 56 та реакторининг ярми ҳозирда тўхтатилган. Компания бу йил ишлаб чиқариш 30 йилдан ортиқ вақт ичида энг паст бўлишини тахмин қилди.
EDF бу йилги муаммоларнинг молиявий харажатларини тахминан 18,5 млрд еврога (19,8 млрд доллар) баҳолади.
Аввалроқ Франция компанияси «Газпром» билан Россия гази учун тўлов схемасини муҳокама қилаётгани ҳақида хабар берилган эди.
Изоҳ (0)