Фарғона вилояти Қўштепа туманида кўкнори гиёҳвандлик ўсимлигини парваришлаб келаётган шахс аниқланди. Бу ҳақда вилоят Ички ишлар бошқармаси хабар қилди.
Қайд этилишича, 17 май куни туман ИИБ ходимлари томонидан тезкор тадбир ўтказилган. Жараён давомида «Хумдон» маҳалласида яшовчи Э.Д. исмли аёлнинг яшаш хонадони холислар иштирокида кўздан кечирилган. Натижада томорқасида 262 туп кўкнори парвариш қилиб келаётгани аниқланиб, далилий ашё тариқасида олинган.
Ҳолат юзасидан Жиноят кодексининг 270-моддаси (тақиқланган экинларни етиштириш) 1-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Мазкур жиноятни содир этган шахс уч йилгача озодликдан маҳрум қилиш билан жазоланиши мумкин.
Аввалроқ Жиззахда Тожикистондан олиб ўтилган 2,8 кило опийни сотишга уринган шахс 12 йилга қамалгани, Самарқандда омборхона ерида 2 минг туп марихуана етиштирган шахслар текширув пайтида уларга ўт қўйгани, Фарғонада томорқасида 60 туп каннабис парваришлаб келаётган фуқаро аниқлангани хабар қилинган.
Мавзуга доир:
- Самарқандда уч нафар фуқаро омборхонада 610 туп марихуана парваришлаб келгани аниқланди
- Тошкентда синтетик гиёҳванд моддаларни белгиланган бир манзилдан бошқасига етказиш билан шуғулланган қиз ушланди
- Тошкент аэропортида таркибида наркотик моддаси бўлган шоколад, мармелад ва сақичларни олиб ўтмоқчи бўлган йўловчи тўхтатиб қолинди (видео)
Изоҳ (0)