2022 йилнинг 18 май куни «Ўзбекистон нефть ва гази — OGU 2022» 24-халқаро кўргазмаси доирасида «ШГКМнинг ишлаб чиқариш қувватларини кенгайтириш» лойиҳаси бўйича Enter Engineering Pte. Ltd. ҳамда Европанинг бош экспортчиси ҳисобланган Jebsen & Jessen Industrial Solutions компанияси ва мазкур лойиҳа буюртмачиси «Шўртан ГКМ» МЧЖ ўртасида уч тарафлама битимнинг тантанали имзоланиш маросими бўлиб ўтди.
Европа банкларидан экспорт кредит агентликлари (ЭКА)нинг суғуртавий кафолати остида Европа банклари молиялаштирувини жалб этиш мақсадида, ушбу лойиҳа буюртмасичи томонидан Jebsen & Jessen Industrial Solutions компанияси бош экспортчи сифатида танлаб олинди. Бу компания транспорт, электрон мобиллик, металл олиш соҳаларида молиявий ечимлар тақдим этишга ихтисослашган. Компаниянинг йиллик айланмаси 3 миллиард евродан ошади. Jebsen & Jessen экспорт молия амалиётларини йўлга қўйиш борасида катта тажрибага эга бўлиб, экспорт кредит агентликлари иштирокида 100 дан ортиқ лойиҳаларни амалга оширган. Таъкидлаш жоизки, 2021 йил ноябрь ойидан бошлаб, Enter Engineering Pte. Ltd. европалик таркибни тайёрлаш, ЭКА талабларига ҳамда Enter Engineering манфаатларига мос истиқболли шартномалар шартларини ишлаб чиқиш устида иш бошлади.
Бош экспортчи билан узоқ муддатли келишув ишлари якунига кўра, Германия, Италия ва Франция ЭКА’лари иштирокида молиялаштирилиши кўзда тутилган 530 миллион долларлик етказмалар ҳажми белгилаб олинди. Jebsen & Jessen компаниясининг Enter Engineering билан битими доирасидаги асосий вазифалари молиялаштириш тузилмасини тайёрлаш, ЭКА суғурта қопламасини ташкил этиш ва Европа банклари томонидан молиялаштириладиган етказмалар тўғрисидаги шартномаларни жамлашдан иборат.
Шартномаларнинг муваффақиятли имзоланиши Европанинг Deutsche Bank AG, Landesbank Hessen-Thüringen Girozentrale, Landesbank Baden-Württemberg ва Unicredit Bank AG каби йирик банкларидан ускуналарни сотиб олиш ва етказиб бериш учун зарур бўлган молиялаштирувга эришиш имконини беради.
Келишув имзоланиши жараёнида «Ўзбекнефтгаз» АЖ бошқаруви раисининг биринчи ўринбосари Ш. Алиризаев, «Ўзбекнефтгаз» АЖ бошқаруви раисининг трансформация масалалари бўйича биринчи ўринбосари в.б. Б. Усмонов ва Enter Engineering «UNG-2» дирекцияси директори Б. Умаровлар томонидан Jebsen & Jessen Industrial Solutions ва Jebsen & Jessen Hamburg гуруҳи молиявий директори Ральф Счфарзҳаупт бошчилигидаги делегация аъзолари билан музокаралар олиб борилди. Томонлар эришилган натижадан мамнунликларини ҳамда келгусидаги ҳамкорликни ҳар томонлама қўллаб-қувватлашга тайёрликларини билдиришди.
Маълумот шериклик ҳуқуқи асосида тайёрланди.
Изоҳ (0)